The RedONE

09-07-2011

2011-07-10T04:21:00.000+08:00

7月9日，10:30，正身處麥記吃著我的晚餐，邊等待午夜到來，邊用ipad記錄今天做過的事、去過的地方。
從北京回來後，工作堆積如山，工作過後還是工作，七一前夕工作到3:00，加上每晚或多或少的OT，要不就是去游泳班……，是有斷斷續續的休息過，人還是累得很。今天本來要9:00起床，最後是睡到10:00，害Carmen等了45分鐘，真不好意思！
正常的＂EDO週未＂，碰上了好久不見的另一位Carmen！交換了FB contact！朋友名單新添舊人！
18:30離開了EDO，還有6個小時自我消磨，太好了！
第一站到了北河街，買過了充電池、天線插頭，再到黃金，買了電腦底版、內置3G天線、ipad防水套。包包已經重得很！
轉到九龍塘，在Baordway買了很多禮券（工作用的，也賺了信用卡的回贈）！逛過i.t. 、issue、fcuk、angies' b，沒特別。經過pageone，書毒又發，看上很多新書，再恨自己家裏還有太多＂新＂書未開，固此地不宜久留！卻仍然選了最便宜的一本，付了賬就朝出口衝出去！再逛log on，都賣好貴的東西。經過uniqlo，買了最後一件M size的經典運動褲，$75好便宜哦！拐過giga sport，又到hk record，都空手出來。
22:00，是時候轉陣到九龍灣，再逛hmv；太多好東西，錢太少……吃著晚餐，打起字來，等待今晚最後的子夜場 imax~t3！
今天走過很多地方，買了不少多東西，花了好多錢……
但最享受的是自個兒！腳在走、心在遊，東想想、西想想，實在逍遙！最是喜歡了！

Menses

2008-08-08T07:48:00.002+08:00

思緒凌亂，簡直一團遭，所有理智都不管用，一加一都算不了，甚麼邏輯都不曉得……
它就象月經一樣，又來了。從前，我選讀理科的原因就是害怕墮入這種感覺中，很難受，尤如在漆黑中的永墮。
它可以全無來由，也可以只從一小點所引發，而我從來都不知道可以拿它怎麼辦，就放著讓它過去，
有時可以持續幾天，也有可能是整個月，我只可以等，著實很奧腦。
千個想法，百個感受，一下子湧上來，叫人窒息。
無人可以傾訴，因為我說話全無邏輯，就算可以，亦無人會明白一千個無重點的想法。很苦腦、很複雜。
千個想法，東想、西想，盡往壞處想，跌墮、跌墮、再跌墮、就一直墮。

雙眼漸漸失去了光芒…………by Vincent.

永墮

2008-08-08T07:43:00.000+08:00

試過在半夢半醒之間，以為自己要墮床嗎？把那一剎無限延伸再擴大，那就是永墮。
不住的向黑暗伸手，卻抓不住，猛踼雙腳又踏空，不知上天下地，徑自轉……

p.s.
1) F！ "安格斯" 出買了你哦！哈！歡迎到來參觀！
2) 另外一位，我已經心裏有數！哈哈！也歡迎你！
3) 可別驚訝安格斯的超卓邏輯！哈哈哈！

慽慽

2008-06-02T20:15:00.007+08:00

收到一個消息，令我心慽慽然，不能平復，又有一絲忿怒，過往只會惱怒自己，很少會怪罪別人，已經好久沒有這感覺了：
發現自己在一條線上掙扎；
"人義道德"不過是一句說話；
感覺到被欺騙、出買了；
原來錯在我自己，還要我道謝。
又者事不順……
最氣是無人可怪罪之，理智還要我去接受！

那很好！我一定會接受的！
因我還是只能怪罪自己！
我等待某日，給我自己一個藉口！

(現在好多了吧！別再氣了，安格斯！
你是安格斯，冷靜的安格斯！
這不過是件小事吧！
別讓這小事影響你的行為！
不溫不怒是你一貫的作風！)

動容

2008-05-21T22:53:00.002+08:00

世界總是不公而殘酷，早已明白要傲過去，就要堅強。(你可以說我柔弱，而我亦得承認自己實在很懶散，總想逃避麻煩事而已。)經過了多年的自我訓練，我學曉了把心收藏，可以麻木了一切感覺，我可以很冷酷，冷酷得令你也不會相信。(心中其實也有點那位女生的想法，但是亦明白這會被大眾指責不仁，所以不作任可意見。)我亦以為再沒有甚麼可以令我動容。
從事件發生後直到昨日，傳媒日夜都不停的報導，而其間所與人引發出的對話，我都只作和應。(心想：緬甸不是更嚴重嗎？！大家就只選擇關懷"自己人"而已，對別的人就很殘酷。)
直到有人告訴我那一個災難中的故事：母親、少年與他的腳。我一時無言。
我寧可選擇死亡，可也不要自己親手割。我寧可死亡，可也不會按照母親的決定。
我寧可選擇死亡，也別要叫我看到兒子那麼樣。我寧可死亡，也別要叫我下那樣的決定。
神呀！請祢憐憫！讓不幸的人可解困，讓他們堅強。
我一點也不勇敢，也不十分堅強，所以唯有依住祢。
人其實很軟弱、身心都很軟弱，只有依住祢。
在災難發生時，人都會忘卻自己；在災難發生後，人就會只想著自己。
神呀！憐憫受災的人！同時讓所有人看真：四川、緬甸都同樣近。

圍。城

2008-05-19T22:54:00.005+08:00

一顆不會跳動的心，只有一種感覺 - "缺憾"。感受不到最基本的喜、怒、哀、樂。
揣測他人的感受，推敲別人的答覆。依住不經意的提示，好作適當的回應。
不會跳動的心，沒有激盪的情緒，虛空又冷得很。
那顆缺失的心，沒有感覺，沒有記憶，滿溢缺憾。
選擇刻意忘記，忘記往日，忘記感覺，忘記缺憾。
忘記自己有顆心。

P.S. 一個不看港產片的人，向你推薦「圍。城」。

真相

2008-05-15T23:47:00.004+08:00

信念的力量至大。
事物都揮不去政治。
無私的愛有著距離。
世界還存在邊界。

四川與緬甸其實很近。

2008.5.12

2008-05-15T00:28:00.007+08:00

午後，太陽高掛天上，都沒有風，球場上有位少年躺著，他並不覺得今天的陽光很猛，靜靜的躺著。遠方有位婦人滿跚地走來，左瞧瞧、右瞧瞧。她在找她的兒子，汗水都濕透襯衫了，終於走到少年的旁邊，停了下來，望著少年，她仔細的瞧。少年也向着她瞪著眼睛，但並沒有理會她。而她再瞧了一下就走開了。

他不是她的兒子。

留下了少年，他依然瞪眼直望太陽，用他那不尋常的姿勢躺著；他其中一條腿在不該折的地方折向天上，手臂扭曲得過份；口腔、鼻孔、眼睛、臉孔至全身上下都滿是灰土的他，未發一言，只是靜靜的躺著。

再過幾十個身子外，那位婦人抱著她的兒子哭了起來。

太陽仍舊高掛天上，依然沒有風。

Listen!

2008-05-15T00:11:00.003+08:00

Listen! Do you hear that sound?
Do you hear?
Crying! Someone is crying!
Do you hear?
A child is crying! From the ground!
Do you hear?
Through the rock and gone by the wind!
Listen to that sound!
Please listen! Please!

We pray.
May God be with you! We pray!

Book Thief

2008-05-05T22:54:00.004+08:00

我就是無大志，看書總喜歡看翻譯小說，曾經買過幾本英文的，都是虎頭蛇尾，好怕越看越不明白、好故事看成爛故事，到頭白看一場、白花錢，最重要的是怕破懷了看書的心情，所以近來都只買翻譯本看，而這本也不例外。
都開卷了好幾個月，就是仍未完成。買下的新書存貨有太多，看來都似很有趣，好想看，又怕再次浪費了手頭上的一本好書，更要不得的是，打書釘時又再看上了目標……
你呀！要忍呀！忍！……書呀！書！下次我來的時候，你還會在嘛？
P.S. Oh! Ive back to Earth! Call me free!

"Not" Today

2008-05-05T00:33:00.009+08:00

There was nothing special happened today:
Reading,
Programming - SYP,
Exercising,
Letter writing for Mom,
Sun tanning,
Instrument Learning,
Language Learning,
Praying,
......
These are things I should did today...............

By the way, Don't try to call me untill 7 may. My mobile was cut..............

隨筆

2008-05-02T22:07:00.003+08:00

先恭喜 Josephine 和 Frankie 的新婚之喜，你們要努努力力，早生貴子哦！

這幾個月間，不少好朋友和舊同學都先後結婚了，每次席間都總會播放出主角年少時的照片，從少到大快樂的回憶都給大家一一細數，暖意洋洋。而在這些照片當中，竟然會偶爾出現我的影子，不其然浮起一絲絲的安慰，是發現自己在他們過去也佔著一個小小的位置，也慶幸大家共度過快樂的時光。那些日子最叫人淘醉，不管是好日子，還是壞日子，有大家為伴的日子就足夠，感激你們給我這個一無是處的人有著值得憶記的回憶。

我該不會結婚吧，没法子對大家表達不勝的感激，感激大家讓我存在過你們的回憶中。
這並不是遺言，不過是一時有感吧！別誤會囉！
也別擔心，我不會對你(們)把這感覺宣之於口，只會把它筆記下來！如果你(們)看得見這編隨筆的話，心曉得就可以了，也不必留言……有你(們)這朋友真好！

谷底反彈

2007-08-18T02:25:00.000+08:00

尋日 second in। 左 pu aa，覺得自己 ge 表現都叫 ok 啦，比 80 分，快 d 叫我返工就好喇。

一 in। 完， 11 點未夠就打比阿 ken 想約佢睇今晚睇 transformers (尋日約今晚)，佢唔聽我電話 wo……氣! 之後佢覆返我，原來佢都有interview ，打比佢時佢仲 in. 緊！大家都 good luck ar!!! 佢晏晝就得閑喇! perfect! 咁就去左睇左場四點半! transformers 都算可以咁啦，早就知唔好理佢 d 劇情o架喇，所以入場前都冇 expectation，睇完都叫唔錯啦，都可以再買隻碟收"埋"ge……

係 wo 仲要多謝阿 ken ，係佢請睇戲 ga，之後仲請埋我星期六晚去睇 Avril Lavigne ge concert 添，wo! d 咁 ge friend 真係邊度搵呀！

今日返 edo，好忙呀! 專心一志 ge 感覺令人好滿足! 可惜今日又見唔到新同事呀……下星期一、二我都大曬，係 office 我話事呀! 希望會更加多野做，搵多 d 人返工就好喇，我一定會叫 d 新丁返黎見下，仲有呀，d 舊同事又回巢啦，人丁好旺呀! 快 d 寄信啦!!!

七點先放工，係地鐵裏面，聽到師奶 ol 講緊今日個市 wo：「……最高跌千幾點呀……最後都收市跌左二百幾點……」我聽到之後一 d 都冇驚wo，一早我就話佢會跌到 19xxx o架啦，一日跌千幾點都預左喇。返到屋企上網先知，原來今日真係幾刺激架 wo ，係咁跌，一路滑到谷底，收市先黎反彈，真係人都癲呀!

阿媽同我講，晏晝有人打比我，「打黎屋企?」「幾點?」「有冇話係邊個?」「男人黎?」…… 唔通係 pu? 睇完成晚電視，睇到財經新聞時，答案終於揭曉，係阿成呀!!!!佢問我死得未??? 叫我唔好死 wo…… 「吓? 我死?」「仲咩要死?」「哈哈…係呀! 我係買左呀!哈…哈!」「係呀! 跌左三份一呀! 哈哈」「晏晝即係你打黎架啦!」「哈…哈……我會死?哈哈!」另一邊都傳黎哈哈笑聲，我真係笑到肚痛囉! 收線前佢都係要講句「你唔好死呀! 你仲有排玩架!」我真係笑到出唔到聲囉! 過左之後我先識得驚，原來個市真係跌得好勁o架 wo…… 我 ge 反應點解咁遲鈍 ge ???

呢一刻，感覺又係好開心，開心係因為自己有好多好多 ge 好朋友、而且有人會留意、關心我啦咁。其實我一向好少會為其他人會留意、關心自已而開心 ge，只不過打電話黎問我死得未o個個人係阿成 wo! 咁就直得慶祝啦! 好開心見到主令佢改變左咁多。主 ge 力量真係大呀! 早兩日我先諗起個年比個衰仔"出買" ge 感覺(其實好小事，比佢見到一定煩死我呀!)，今日佢成個人都唔同曬。以前我見到佢比我差，差勁好多o架真係! 今日佢已經好我太多喇，真係自慚形愧呀。

interview 之前我都將所有事都交托左比佢 ga，希望有穩定 ge 表現啦，而最後我都覺得自己表現真係唔錯 wo! (請唔請我就後話喇!) 今朝早我又將今日交托左比佢，而今日專心 ge 忙碌又令到我好滿足 wo! 而且唔係屋企，避開左跌市 ge 不安，所以玩過山車我都唔驚呀! 唔好以為我跌得少呀，個三份一係我全副身家 ge 三份一呀! 但係我又真係冇驚過 wo…… 定係我個人對金錢真係冇乜感覺呢? 所以我可以咁耐都冇工返??? 我就覺得自己好平安喇，一定係佢 ge 關係啦!

The Individualist

2007-06-13T02:58:00.000+08:00

中心 - The Individualist
第四型人格是九型人格中的浪漫者，又稱為藝術型、自我型、憑感覺者。

側翼 - The Investigator
第五型人格是九型人格中的觀察者、智慧型、思想型、理性分析者、思考型。

第四型人格基本描述

第四型浪漫者創造與尋找意義的慾望十分突出。他們十分情緒化和熱情，希望被認為特別甚至與眾不同。當處於最佳狀態的時候，他們熱情，富有同情心，而且相當有禮。他們通常對藝術，或者對知性的伴侶關係，有著不倦的追求。但當在狀態不佳的時候，他們在情感上的擺動和過份的幻想，可以令他們覺得不管在過去，現在或將來，身處當下的環境都十分困難。而長期的不滿，抑鬱和與他人的拉鋸，會令情況惡化。

動機與慾望

酷愛/注視：妒忌。

內心恐懼：沒有身份和個人成就，害怕自己隨波逐流。第四型浪漫者在個人身份方面會感到躊躇，因此他們會培育一種幻想，或一種能定義自己的理想自我形象用以彌補這種躊躇。他們害怕平凡。

內心渴望：自我了解和看透人生，自我及自我價值的追尋。第四型浪漫者以想像及情緒反應提升他們的經驗。他們在痛苦中看到美，而且如果這些美能給他們某種意義，他們會保持痛苦的狀態。

行為動機：行為多由個人的感覺主導，追求與別不同，「太功能性和快樂是不對的」此訊息經常進入第四型者的潛意識中。

父母取向：和雙親不是特別親近，因為父母通常都難以理解第四型的子女。第四型的人卻極渴望有一個真正理解他們的「好家長」。第四型的人不是不能表達自己的感受，只是他們通常希望有人來「猜透」自己的心思，而無須自己講出口; 正是因為這種性格更令別人對第四型人的內心摸不著頭腦。

人格升降特徵

健康的時候，會出現第一型改革者的規律節制及克己服禮。
不健康的時候，會出現第二型助人者的怨天尤人,以及操控別人,從而取得優越感。

自我形象

第四型自小自覺被孤立。他們在別人身上看到種種自己沒有的特質，因而著眼於缺失、差異和自我隔離。他們是遭父母遺棄、被同儕取笑的醜小鴨，是為世所棄的孤兒。

第四型漸漸會認為他們的孤立是有原因的。他們將孤立的苦痛看成擁有敏銳洞察力的憑證，而曾經困擾他們的缺點，亦表現為驕人的特質。然而，第四型的內心深處仍渴望他人填補自己的虛空，而正是這種虛空和缺乏滿足之間的拉據，令第四型追求意義與身份認同。可惜，因為第四型總著眼於與他人比較和幻想，令這種追求感覺或變得徒勞。

側翼型

四型側翼五 4w5
4w5 : 放浪詩人The Bohemian

健康狀態

健康的4w5擁有非常的創意，而且對於內在心理自我（intrapsychic sort）帶有深刻的洞察力。對比4w3，4w5們更加不容易表露自己的情緒，及喜歡如寫作等更私人的溝通方式。

一般狀態

一般狀態中的4w5極之重視建立自己的世界觀，通常都會訴諸哲學或藝術。他們比4w3更容易與外面的世界脫節，有遁世的傾向，生活方式因此與其他人不同，甚至可說是奇怪。他們會在表達自己時故弄玄虛，含糊其詞，並視自己為高人一等，輕視不明白自己的人。遇到壓力時，他們會將自己長時間抽離，令他們更被孤立。他們很容易陷入幻想和隔離。

不健康狀態

不健康的4w5會居住在他們自己構造的一個恐怖幻想世界中。他們情緒上的折磨會變得內在，構成嚴重的失落甚至自我摧毀思想。當一般的4w5能夠把死亡浪漫化，不健康的4w5會陷入當中。

第四型人格副型

保存自己

一般狀態下，以保存自己作目標的第四型是最實際的一型。他們十分重視自己的情緒，周遭的氣氛和美麗的環境，故此沈醉在追求這些美好的事物。他們著重美感，竭力於需索美好的經驗。當這些理想不能實現時，他們會感到沮喪。有些人會表現魯莽，故意冒險以對抗命運，來刺激自己的感官。即使不富冒險精神的人亦會暗地裡幻想英雄般悲壯地死去。這類人極需要自主，故此在一段關係中表現矛盾飄忽。

S & M

2007-06-07T23:25:00.000+08:00

唔係 m&m，都唔係 SM，但 S&M 仍然係人生中少不了的部份。對某 d 人o黎講，佢地有住唔輕o既份量。

S 係自然o既天性，生命o既本能，係運轉呢個世界o既推動力，亦可能係生物最終o既目的，但我唔相信佢係生命o既全部。

M 係人o既慾望，當人唔再相信人o既時候，佢就可以帶o黎安全感，M 越多，人就越感到安全，過剩o既安全感，比人用o黎衡量一個人o既成就，但係呢個就真係生命o既份數？

我唔要隨波逐流，亦唔想扮清高，S&M 我都想有，到底我都係一個人……，但係，係我心底裏面仲有一個空隙……，呢個空缺 S&M 根本唔能夠填滿。

最近，EDO 有一個新o黎o既同事，佢問o左我一個問題，我完全答唔出，所以我比左個好敷衍o既答案："我‧唔‧知……"。人越大，對身邊o既事物就好似越失去興趣，平日成日做o既野，好似都係被迫o既咁。佢同我講："我平時鍾意打波、彈下 Base ，又會睇下電腦雜誌……呢排上緊普通話 Course，夜晚得閒仲會落街跑下步……"一大堆。突然間我好羨慕，亦都好開心，開心係有個人話我知，原來快樂有好多種方法，而且佢講o既野，其實有一半我都做緊。原來"我唔知。"係我唔知佢想要我答 d 咩，同時亦都發覺我比身邊o既人同化o左喇。快樂原本唔係就係咁簡單咩？使乜專登去搵？隨心……後生真係好！

心底裏面o既空隙少o左咩，就用咩去填補！S&M 我冇乜要求。隨便啦……

任其他人話我："你年紀唔細喇！"，我都會係個長不大的男孩，而且，將一切交比神。

"To Kill A Mockingbird" X "Cashback"

2007-06-06T23:28:00.000+08:00

"Simple is Beautiful!" It is always true.
For every child, they are beautiful.
Try to see the world from their eyes. Every thing is so Black and White.
When does this shine gone in your eyes?
Use your heart to listen and see, things would be different.
Use your heart to feel every moment, a second in frozen.
Beauty could be seen.

p.s. 一個巧合：剛剛看完了的 "梅岡城故事" 出現在剛剛看了的 "Cashback" 中。必看！x2

香國成

2007-05-26T18:56:00.000+08:00

尋日，跛住腳入左中大，係我第一次去，中大真係好大，天氣又熱，腳又跛，行得我丫……之後個賤人打電話黎，話冇野做，問我有乜做wo……行街囉，跛腳都同你去，但佢又兼天氣熱wo，唔要齊行街，戲又比佢睇左咯……想點丫，話佢知我跛左腳，丫！仲要串我！咁"跛豪"咪返屋企囉！
比佢話一話，今日去左睇跌打，咪就係香主度囉，係 Twister 介紹 ge，佢話好得架，一"打"見效，信下囉，又唔使錢ge！(問過我私人保險財務顧問 TOP 10 SUE，有得 claim 架，但係覆診又點計呢？)快d好返啦，唔係個planning 就洩曬氣架喇！
係香主度，真係幾多人吓架，但係個阿叔(香主個徒弟)同我打左尖，好快就輪到我，佢話我扭傷韌帶wo……佢一邊係咁摸，就一邊係咁叫我放鬆，又話我少做運動，條筋唔夠鬆……得喇得喇，我咩野痛腳都比你捉住啦，你話點就點啦。
我比佢摸到咁上吓，就有兩個中學生入左黎，有個隻腳腫到成隻糉咁，阿叔就走左去"打"佢喇。阿叔正想捉住哥仔隻糉，個哥仔就話："唔好咁大力，我會咸架！"跟住佢就"呀"左出黎，笑到我丫。阿叔又背台詞："唔使緊張，放鬆d！放鬆d！"x100，個哥仔好聽話，佢一放鬆，阿叔就用力，哥仔個頭就係咁向後椿喇，個頭椿落塊玻璃度，椿左幾次，阿叔就話："你都係坐過d，塊玻璃你賠唔起！"超爆笑，佢個 friend 仲話："師父，唔使理佢，醫好佢隻腳就得喇，唔使理個人架，大力d啦！"
真係好想睇埋落去，但係我隻糉呢個時候都已經包紮完喇，埋單$180都算係咁啦。

Luck ? Bad Luck ?

2007-05-24T00:12:00.000+08:00

閃了腳，痛！
破腿踏上蛇，兩者無損傷……
Luck ? Bad Luck ?

Hong Kong Asian Film Festival

2006-09-15T13:10:00.000+08:00

又有電影節啦，今次係亞洲電影節，雖然我一向都不太喜歡亞洲片，但似乎今次會例外，計落有七至八部心水之選！

特別要介紹的是是枝裕和，他就是 <誰知赤子心 - Nobody Knows> 的導演，未看過他如何造就康成年紀最小影帝的你，今次一定要入場喇！

再講是枝裕和，他的作品不單單是訴說事，背後總有值得觀眾滿思的地方，很有意義，而且我特別喜歡他那種冷淡角度凝造的氣氛，值得推薦！

Remember the Chernobyl

2006-04-27T00:18:00.000+08:00

April 25th -26th, 1986

The 30th Anniversary of Hong Kong International Film Festival

2006-03-09T00:35:00.000+08:00

The 30th Anniversary of Hong Kong International Film Festival
第三十屆香港國際電影節
4-19.4.2006
www.hkiff.org.hk

手中抱住今年的 Programme & Booking Folder，
翻了兩個小時，把有興趣的電影劃上記號，
心裏咒罵它竟然編得密密麻麻。
電影節的16日裏我的心水電影如下：

1. 幪面超人The First - Masked Rider The First
2. 小孩不笨2 - I Not Stupid Too
3. 背鴨子的男孩 - Taking Father Home (Bei Yazi De Nanhai)
4. 賴小子 - Walking on the Wild Side (Lai Xiao Zi)
5. 少年花草黃 - Withered in Blooming Season
6. 密詩成熟時 - The Blossoming of Maximo Oloveros
7. 斷袖男 - Cut Sleeve Boys
8. 非常家事 - Once Upon a Home (Faichang Jia Shi)
9. 巴勒斯坦流亡曲 - Ghada: Songs of Palestine
10. 和解有價 - Passabe
11. 沉冤白雪 - After Innocence
12. 中國石磨藍 - China Blue
13. 因反恐之名 - State of Fear
14. 愛斷背 - C.R.A.Z.Y.
15. 紅杏驚魂 - In His Hands (Entre ses mains)
16. 瑪利亞再生 - Mary
17. 天堂失格 - Scrap Heaven
18. 立見天國 - Paradise Now
19. 一鑊泡 - Bubble
20. 各位觀眾晚安 - Good Night, and Good Luck
21. 你‧我‧他她他 - Me and You and Everyone We Know
22. 半熟爸爸 - The Child (L'enfant)
23. 飛越隔世時空 - The Lost Domain (Le domaine perdu)
24. 火車三段程 - Tickets
25. 溫泉療養院 - Warm Springs
26. 盧旺達百日大屠殺 - Sometimes in April
27. 靜靜的嘛呢石 - The Silent Holy Stones
28. 我們倆 - You and Me (Wuomen Liang)
29. 歲月無聲消逝 - The Hours Go By (Como pasan las horas)
30. 四個隊草的少年 - Black Brush (Fekete Kefe)
31. 17歲之風景 - Cycle Chronicles - Landscapes the boy Saw
32. 耶利米啟示錄 - Heremias
33. 國民的誕生 - A Short Film about the Indio Nacional
34. 4:30 - 4:30
35. 板仔玩轉L.A. - Wassup Rockers
36. 親近有罪 - Gemins
37. 沙丘烈女 - The House of Sand
38. 未路狂媽 - Familia
39. 九連禱 - The Novena (La neuvaine)
40. 酸辣中女社 - Something Like Happiness (Stesti)
41. 有樓裝修 - Housewarming
42. 新天方夜譚之失魂王子 - Bab'Aziz
43. 性女貞德 - Johanna
44. 魔幻三生 - The Porcelain Doll (A porcelanbaba)
45. 少年夢幻之旅 - Full or Empty (Gol ya pouch)
46. 失妻記 - Gradually... (Be ahestegi)
47. 浮城志 - Iron Island (Jazireh ahani)
48. 疾走 - Dead Run (Shisso)
49. 我好愛你 - Su-Ki-Da
50. 開麥拉荒卡謬 - Who's Camus Anyway?
51. 沉淪 - Fallen (Krisana)
52. 完美的一天 - A Perfect Day
53. 我的野蠻畫家 - My Nikifor (Moj Nikifor)
54. 太空夢 - Dreaming of Space
55. 捷足先登三十年 - The First on the Moon (pervye na lune)
56. 革命前夕足球夢 - Garpastum
57. 小飛俠方程式 - The Pater Pan Formula
58. 走火溫黛 - Dear Wendy
59. 三個憂鬱的房間 - The 3 Rooms of Melancholia
60. 挪威有個夏威夷 - Hawaii, Oslo
61. 打雜詩人 - Factotum
62. 工人煉獄 - Workingman's Death
63. 大寧靜 - Into Great Silence (Die GroBe Stille)
64. 熊人 - Grizzly Man
65. 白鑽石 - The White Diamond
66. 小白獅 - Jungle Emperor Leo (Janguru Taitei)

另，以下有2條痛苦的數學題：

1)
66套片子
每部票價50元
共3,300元
(車費另計)

2)
66套片子
每部太概2.5小時
共165小時
(約需7日…不眠不休之下)

or

66套片子
16天時間
每天4-5部或 10-13小時
(除了睡眠、吃飯、車程、去小號等等外，
不容許其他無謂的行動……)

若果我可以做得到，那必會是開埠以來…不，
是有史以來，因為電影節而死的人……

我想，可以看一兩部也都就好了，
若果你看了以上任何一部的話，
請告訴我你的評語，萬分感激！

Narnia

2006-02-08T23:45:00.000+08:00

終於睇左 Narnia 喇…… (真係等左好耐！早知唔等啦……)
一早就比人講左隻獅子會咁咁咁、又話個估仔好童話 feel，已經打左折入場，
之但係睇完，感覺都唔錯丫！我會比78分…
劇情係快左 d，而 Narnia ge 世界有太多新奇事未有深入探究，
未能帶比觀眾深刻感受，
個靚妹講野好老積，唔夠妹妹 feel，返而阿哥同細路就幾好，
但稍嚴四兄弟姊妹 ge bonding 不夠！
一 d 身體接觸都冇，feel 唔到佢地係兄弟姊妹，好冷漠…
如果係 ge 話，決戰個幕就更好睇！
始終 The Lion, the Witch and the Wardrobe 係第二話，
缺少左第一話的背景交代，所有事件都發生得太快喇……
小說應該都唔會差掛…… 但係翻譯版就太薄、太細路 feel……
原文……會唔會太難呢…睇唔明就"曬"錢……唉…
DVD 一定會買，要補償我去 toilet 個幾分鐘！

幸運

2006-02-05T00:04:00.000+08:00

今日下午先約了家玲與家智回收照相機，破費了也好，把心事了結……
(也真相大白，還我清白了！)
太早了，沒事做，一起逛街，
由油麻地走到朗豪坊，想看戲，又遇上全院滿座。
再由朗豪坊走到佐敦，在糖水舖歇歇腳，吃了杏仁豆花，不太甜的、很好！
走過柏麗大道，到海洋中心，遇上 BURBERRY reduction ，
看上了它的 polo shirt，但未有買，
再到 POLO SHOP 參考一下，發覺 BURBERRY 的好太多，下次一定要買！
但又給看上了一件棗紅色的 POLO 裇衫，試了身，太大，斷碼，氣死我！
(另：POLO SHOP 那個試身間也頗大，我的房間也不及一間試身間大耶……)
唯有找天到又一城再逛逛！
途上又發現， sunnny 除來也很 rock 的！
逛完 LCX，到 SOGO 陪 sunny 取回修改了的 new arrived levis' jean，
比周杰倫的 3d 還新到，也好太多，下回再試試看！

是時候赴會了，跟他們分了手，直走到<和民>，就剛好遇上了大隊！
都總算人齊：
ken 1、ken au (攜娟)、家和&七、mama、chan、嘉玲、家駒、浩然、李小姐、james、寶寶、我。
實在太難得十幾人都出現了！
還欠幾個，下次要應約哦！(但不知那裏可以有容得下二十人的餐槕呢？)
各人"都自我介紹"了近況，
屈指一算，大家認識了九年，預科後各奔前程，
有人在世界性的大公司工作，有人遠征日本，有人當了會計師，有人成為了工程師，也有人正在完成碩士，
然而大家樣子還像當年，但個個都滿有成就、內涵！
(而我仍是十年如一日，內裏還像個小伙子……顯淺！)
各位言詞都不減當年，俱歡顏。
好朋友嘛，一年見一兩次太少了，該多多見面才是！實在叫人記掛！
幸運是我，讓我能認識到大家！恨相聚時間太短…

半生中兜兜轉轉，在不同的地方都認識到好多好多好友，
(若果我要設喜宴，一定得要請的朋友，可要七、八圍酒席，
而且全部都是好好好好的朋友、是兄弟姊妹哦！當然有算你在內呢！)
也是我太幸運！他們每一位對我也很重要，(請祢要緊緊看顧他們。)
生命的的歡欣、愉悅、喜樂都是他們所予的，也是我路上的同伴與支持。

所以要好好珍惜面前！
而從今日起我要努力，再重頭趕上大家的步伐！不會讓大家嬴得太多的！

年初五

2006-02-02T23:56:00.000+08:00

今日好開心呀！
一大班人到舊同事 winnie k 屋企拜年，榕榕大個左好多呀！
好似以前返工個時一樣，大家一起埋一齊就嘻嘻哈哈！
真係好難得架！
辛苦曬 winnie k 你地準備 d 野食喇，我地個個都食到好 full 呀！
淨底個 d ，就靠榕榕你喇！
又食又拎，真係唔係幾好意思添！

返屋企個時，感覺到腳步同以前唔同左，冇咁輕盈…
返到屋企磅左一磅，見到幻覺，想暈… 145+ ……，心情同腳步都一樣咁沈重……
要每晚做下運動先得喇！！！
我唔要豬腩肉，唔要拜拜肉，更唔要深海龍躉肉呀！
我要 call 機(六舊)，有空，有膊，2 mice，仲要輕巧小型的圓月……
加油努力！！！決心最重要！！！

Year of Dog

2006-01-27T21:30:00.000+08:00

恭喜大家萬事如意，心想事成，身體健康，狗年行大運。

I know... I know..........

2006-01-19T00:21:00.000+08:00

I know I hv this problem...... again.
Will i improve? Who knows?
There will be "a day 2"! I promiss!
Be Work Hard!

Dubai - Day 1

2005-08-25T02:00:00.000+08:00

20.08.2005
Dubai 0430
飛機抵達 Dubai International Airport，機外氣溫36℃，凌晨四點半的氣溫是攝氏36度！踏出機外即時感受到朋友所說的：「全身上下被風筒吹送！」的感覺！

Dubai 0515
一行25人到達五星級的 Mövenpíck (它同時是有名的雪糕牌子，酒店內當然有售，而且美味非常)，它的前身是 Holiday Inn，大堂的裝潢盡顯它的氣派。本來，晨早六點未到已經到達酒店的旅行團，需要待在大堂，直到七點才開始當日之行程。但“滿意”就可以即時得到房間的鑰匙，分派房間給團友，稍作休息及梳洗，其他旅團的團友就只有看的份兒，可憐！

Dubai 0730
第一日的行程是遊訪 Sharjah (沙渣)，阿Moon臨行前噣咐大家要穿上有袖上衣及長褲，特別是女士，因為沙查的人回教思想較重，衣著“過份暴露”的女士有可能會被捕哦。

Dubai 0800
一眾到達另一間酒店－Coral Oriental Dubai 的餐廳，先享用早餐，吃飽再到鄰近的酋長國沙查。

Dubai 0915
第一站是Sharjah Archaeological Museum (沙查考古博物館)，隨後前往參觀可蘭經紀念碑，它的四周有清真寺、阿聯酋的外交部、議事廳等多座具特色之建築。

Dubai 1000
Bait Al Naboodah (特色古大宅)，它的牆身都是由珊瑚跟沙泥所建的，裏面有著阿拉伯古式的家居擺設，中間的空地有一棵大樹，樹上掛著可口的果子。

Dubai 1130
阿Moon稱這個環節作“血淺沙查市”！沙查市市集是個兩棟式古建築物，由兩條天橋連接，剛剛完成翻新，裝設空調(這一點非常重要，當地日間平均氣溫45 度，沒空調的室內會跟焗爐一個模樣喇)。這裏可買到富中東特色的紀念品－沙畫、油燈、水煙座、民族服、地毯等……大家在這裏都放了不少血！

Dubai 1330
返回 Dubai Wafi City (金字塔外觀的Shopping Centre)內的 Thai Chi 餐廳享用美味的泰式自助餐。Wafi City 的埃及式裝潢當然謀殺了不少“記憶體”！

Dubai 1530
天氣太熱，人又累，阿Moon帶大家回到Mövenpíck 休息休息， Cillic、Josephine 和我當然不會錯過這自由時間，到了酒店附近的 Lamcy Plaza 參觀，搜尋聞名已久的耶棗巧克力，果然聞名不如試食！

Dubai 1700
今次美麗華的行程是個全包宴，故名思意，所有餐宴都已包括在團費內，每日的早午晚餐都安排得妥妥當當，不用花費，也不用費心。第一日的黃昏，是杜拜河灣遊船晚宴，邊用晚膳邊欣賞黃昏杜拜咸水河灣兩岸的美景！食物都變得美味呢！又跟阿 Moon 閑談他的個人經歷，跟世界各地的風土人情，同時他又用力推銷 Turkey 及自己，大家都聽得入神，心都往 Turkey 去了……

Dubai 2200
首日的行程完結，同房的團友使用完洗手間就回到親友的房間睡覺，剩下我獨守空房……實在太好了！

Dubai 2330
太累人了，該有四十個小時都沒睡過了，所以要飽睡再迎第二日的挑戰。

Dubai - Day 0

2005-08-25T01:34:00.000+08:00

19.08.2005
HK 2030
天文台發出黃色暴雨警告，而我於半身濕透之下終於趕上巴士出發前往機場。緃使窗外的雨水不繼的拍打著車窗，仍無影響我心內的興奮。

HK 2130
到達機場時正好是集合時間，但朋友們都未到，只好自個兒四處走走看。把濕透的半身風乾後，就跟Cillic 及可憐的Jacky 先報到。當日大概有五班香港的旅行團前往 Dubai，唯獨是美麗華領隊的裝束令人大吃一驚。聽聞 Dubai 是個熱氣騰騰的地方，但我們的領隊還穿上一身筆挺的西裝，叫人懷疑他腦筋有問題……

HK 2220
Tracy、Alan到達。領隊先廢話一輪，才介紹自已，而他樣子尷尬地輕聲說：「我姓“尤”，“尤其”的“尤”，叫“滿意”……但請叫我“阿 Moon”……」他出生的時候，他父母想必很“滿意”。

HK 2320
Josephine最後一個到達，終於人齊，可以起行。可憐的 Jacky 是來送機的，「上班要努力哦！」

20.08.2005
HK 0005
國泰cx746班機準時開出，八個小時的機程開始。座椅空間太少，混身不對勁，想睡也睡不了，還好有個個人電視，節目都很新，但我則選了沒聽聞過的片子 “Million”。機上吃了兩大餐，消夜的甜品都很甜，那個布丁“尤其滿意”。

Dubai

2005-08-25T00:00:00.000+08:00

A moment to remember!

1T

2005-08-12T22:10:00.000+08:00

今日激死我啦！我等左成兩日先到ge 今日，竟然比個一號波擾亂曬。

原本今日約左 edo d (第三代)同事去石澳，
點知起我昏睡中有"人"打黎話：
"南區個天好陰，cancel 曬啦！"，("人"=家玲姐)
收左線又望下個天，我頭頂出緊太陽wo...，
但係cancel 左又好難約返，況且又掛左 1T ，
可能會落雨，咁唯有起屋企等到六半先出去食飯啦...
("d人"兩個禮拜前就約人，好重要咁！)

成個下午，除左見到"方霞"(d 煙霞令我諗起好耐冇見ge 方霞)，
仲見到 "sunny" 添 (原本真係約左佢架！)，
而且一滴雨都冇....... 仲乜要cancel ja！

好啦等左我7個幾8個鐘，終於等到差唔多夠鐘喇，
打個電話比"d 人" ("d 人"=joe 哥)，真係食得c 啦，
"d 人"又cancel 埋："下星期先出黎wo"
"下星期我飛左啦！joe 哥！"
就係咁令到我成日都冇出過門口喇......仲乜要cancel ja！

激死我啦!

Simple Life

2005-08-06T01:16:00.000+08:00

其實我不過想活得簡單一點，不要去想得太多，
我本不是那些陽光男孩，陰天或下雨天比較適合我，
喜歡獨處，一個人靜靜的享受那孤單，看時間流轉、消磨，
我可以整天躺著看白雲，感受微風吹拂我的臉，
自己去走每個地方，不發一言，心卻不住的轉。
活著就是因為情感，
我用心去感受每個觸動我的感覺，冀找住那永遠消逝的一刻。
最後我竟然愛上了孤單靜寂，
靜想令我心不斷往下沉。

現在我好想、好想去看漫天的星辰，在星光下底下靜靜安眠。

>> Testing <<

2005-08-03T14:06:00.000+08:00

大型測試維修中，不久將會全新跟大家見面！

Tenth Planet

2005-07-30T22:43:00.000+08:00

8.1.2005 - 另一個人類值得紀念的日子
小時上常識課的時候，總會學到一課叫我們的太陽系，
說九大行星包括我們身處的地球，圍繞恆星-太陽運行，
由水星，金星，地球，火星，木星，土星，天皇星，海皇星到冥皇星，
所有小孩都要倒背如流，但由 8.1.2005 起，這從前的"常識"不管用了，
因為在"太陽系最遠的行星" - 冥皇星背後存在著第十個行星！
記得以後要改口"太陽系十大行星"哦！
"Tenth Planet" 又將會使用何名子呢？

依然超熱

2005-06-15T20:33:00.000+08:00

WaterBoy1 & WaterBoy2

自己去感受一下啦！要快哦！

"虹"

2005-06-02T19:54:00.000+08:00

大家聽緊 ge 係 <福山雅治 - 虹> - WaterBoy Theme Song

阿民 ge 口頭蟬

2005-06-01T21:12:00.000+08:00

轉貼自 discuss.com.hk

回憶 - 童年精句大收集 (正呀!)好正呀呢個~~勾番起好多童年回憶!!

【咀咒。類】
1. ＸＸＸ﹝人名﹞，坐飛機，跌落黎，慘玻璃，返到屋企唔憤氣，打爛電視機，打爛收音機，「呯lin bom林」放臭屁，臭過無比石油氣。
2.今天天氣beautiful，ＸＸ（人名）走去溝girl，攪到girl大o左肚，生o左一堆animals。
3.肥佬肥滕滕，買舊豬肉去拜神，行到半路屎忽痕。
4.四眼哨牙突下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番下。

【數字串連。類】
1.一落樓梯，二樓仆底，三個筋斗，四腳朝天，五塊膠布，六個傷口，七時入院，八時釘蓋，九時出殯，十分墟陷。
2.一加一，二加二，三加三，死加死，五加皮，六死你，七個肥婆坐住你，八支槍仔指住你，九龍醫院唔收你，十個棺財等住你。

【餘音未了。類】
1. 琴日我見到你阿媽跳樓﹝扭﹞...腰舞！
2. 琴日我偷睇你阿媽沖涼...茶。
3. 你老豆過左身﹝新﹞...加坡。
4. 見到你阿媽係廟街做雞...蛋仔。
5. 你老母臭﹝湊﹞...大你。
6. 你好鐘意搞基﹝機﹞...關槍。

【顛倒。類】
1. 長洲賓客人數多﹝倒轉讀：多數人客賓洲長﹞
2. 人做個好市民﹝倒轉讀：聞屎好過做人﹞
3. 惠康聖誕大特賣﹝倒轉讀：賣特大彈性胸圍﹞
4. 上水居民居水上，長洲賓客賓洲長。
5. 大圍三姑三圍大。
6. 昆明擺檔擺明昆。
7. 大院高曾高院大。

【諧音。類】* 此部份我刪減了某些譯音部份, 因為是不良語言, 但都好經典, 所以我先post,聯想不到的請見諒 ^_^
1. 55699﹝快快食奶奶﹞
2. 465354709394﹝死佬唔三唔四出呢攪三攪四﹞
3. 2038240﹝伊利沙伯醫死你﹞
4. 1996﹝搵奶奶食﹞
5. 荷蘭銀行支票Holland Bank Cheque
6. 荷蘭牛仔褲Holland Jean
7. 荷蘭月亮Holland Moon
8. 荷蘭朋友Holland Friend
9. 澳門朋友Macau Friend
10. 喇星百爵Duke LaSing
11. Batman G-Shock ﹝閉門自修﹞
12. 凍檸水
13. 大檸樂
14. 含包散
15. 九兩菜
16. 無奶油﹝無理由﹞
17. 多舊魚
18. 利物浦﹝離晒譜﹞
19. 有陰毛﹝有陰謀﹞
20. 唔該你﹝唔姦你﹞
21. 合金鈴
22. 芥蘭菜
23. 八加廿六﹝日文粗口﹞
24. 柑蕉桔李籮柚，雁鷲貂狸獅拂。
25. 美國加拿大澳洲﹝你個格勒底好臭﹞
26. 白色．太陽．槍White Sun Gun﹝衛生巾﹞

【對聯。類】
1. 幾大就幾大，燒賣就燒賣。
2. 地上執到寶，問天問地欏唔到。
3. 追得到，比個錢你買紅棗。
4. 聲大大，冇野賣。
5. 人賤唔怕醜，雞鵝趕唔走。
6. 意見接受，一切照舊。
7. 淫人妻女笑呵呵，妻女被淫又如何？
8. 遠遠睇就誇啦啦，近睇說小那媽﹝睇女時用﹞
9. 返工就有心無力，放工即刻精神奕奕。
10. 黑黑實實，專搵笨實。
11. 羸就羸粒糖，輸就輸間廠。
12. 頭髮似堆草，唔駛去飛髮鋪。
13. 著鞋唔著襪，大方兼老實。
14. 講o野一舊舊，似足你老豆。
15. 一千幾百，尤如垃圾
16. 講就天下無敵，做就有心無力

【改編歌詞。類】
《生日歌》
恭祝你生日撼穿個頭，慶賀你死埋老豆；年年都要乞食，歲歲都要楂兜，恭喜你，恭喜你。
《神奇大帝》
神奇大帝穿o左個窿，娶o左三個妾氏，有個放屁﹝冇氣﹞，有個痘皮，有個病到就o黎死。
《叮噹》
人人期望嘔白泡，嘔得快就死得早；人人懸耀開心歡笑，撩到吊鐘反轉更好，爬進奇妙口袋裡；你想嘔泡必得到，奇妙嘔法不可思義，心中一想就嘔泡。想叮噹伴你嘔泡，難過去尋寶。你睇！嘔出黎啦！清倉啦！誰都喜歡你，嘔清晒Ｄ泡！
《千年女王》
傳說中有個女王在世上，長長頭髮，兩眼發青光。

【難以分。類】
1. 死八婆，賣菠蘿，一蚊十二個，賣剩兩個取老婆。
2.大笨象，渣支槍，去打扙，打唔贏，番呢罰佢食碗辣椒醬。
3. 沖完涼，冇褲著，大人細人燒炮杖，問你想唔想當佢兩巴掌？
4.擋薦牌，排排坐，坐飛機，機械人，人之初，初老泥，泥猛魚，魚肝油，油麻地，地中海，海龍王，黃大仙，仙人掌，掌你兩巴掌。
5. 閘住反彈冇回頭
6. 普通版：「入實驗室禁緊急制」加強版：「入食物實驗室禁實十個緊急制」
7.大笨象會跳舞，馬騮仔會上樹；猴子會打關斗，山邊有個姑娘；剝衫剝褲沖涼，凸出個Pat Pat曬太陽。

小川雄大 or 浜野拓海

2005-05-29T20:58:00.000+08:00

下面個 link 會同你 check 你個日文名架!

Take your real japanese name generator! today!
by Rum and Monkey's Name Generator Generator.

我輸入中文名，佢譯做
小川 Ogawa (small river) 雄大 Masahiro (big hero)!

我輸入英文名，佢譯做
浜野 Hamano (seaside field) 拓海 Takumi (open sea)!

<小川雄大> 漢字有 d 老土......同我個中文名一樣... (又大又小咁，但係意思都唔錯丫 - 小地方大英雄!)
<浜野拓海> 好有海洋 feel，個 mood 正呀! :>

你好呀!!! 我叫浜野拓海!!!
請多多指教!

呢排我最熱-------------

2005-05-26T01:29:00.000+08:00

!!!!!!!!!! WATER BOY 1 & 2 !!!!!!!!!!

好耐都未有睇過日劇喇!
雖然總覺得日劇好誇張!
但係就做到日本仔成日講個 d <勇气，友情，熱血，爆笑>等等 ge 氣氛。
香港 d 編劇，真係差幾皮呀!
個輯<學警雄心>，幼稚又冇新意wo......
而且WATER BOY 裏面個女主角仲幾好樣架!
但係 d water boys 就......
但係呢好佩服佢地有勇氣着住條日本超細碼泳褲黎拍戲，
我就仲要着住上身衫先游水呀，身形似"叉燒" - 半肥瘦吔麻......
一定要努力減肥，練返 d 肌肉出黎先得!!!!!!!!!!!!我都要做個 water boy 呀!!!!!!!!!

期待

2005-05-19T00:52:00.000+08:00

實在太令人興奮 la !!!
睇下我地上次遊船河 ge 相!
係值得個傻仔 2 thumbs up ga !!!

星期六呀! 你快 d 黎啦!!!!!!!!!

cyrkam airtos online game

2005-05-10T01:14:00.000+08:00

cyrkam airtos online game

一個"垃圾"game，但一d 都唔"垃圾"ga!!!

A New Hope

2005-04-30T02:00:00.000+08:00

開一個新的 blog，開始一個新的生活！
過埋最後呢幾個禮拜，就唔再係學生喇，一定要好好咁享受埋呢幾日先！

最近我 hit 呢個呀……
STARWARS ─ Episode III ：REVENGE OF THE SITH
三十年喇，黎一個了斷喇！
等我都用返個 Episode IV ge Title 黎做 Topic 先
仲有提一提大家先，明珠會播返 STARWARS 其他個 5 集架，記住做功課喇！

全宇宙唯一一個擁有 Purple Lightsaber ge Jedi Master ─ MACE WINDU 超型呀！